الى الارواح المحلقه في عالمي المختبئ الهادئ.....اتمنى ان تجدوا بين أسطري ما عجزت ان اجد وافهم ... لم اكن تلك المميزه.... ولا الشاعره المبدعه...ولكني فخوره بنفسي ...اعترف بأن القلوب تــُسرق ..واعترف اني قد أسأت الاختيار في أغلب قرارات حياتي .......مريم كانت هنا ... ....

الخميس، 25 مارس 2010

الشهر الاول



اللهم لك الحمد ...يالله اخيرا ...خطين حمرا ......نتيجه ايجابيه ...
انا حامل اخيرا ...الحمدلله ..

في البداية لم يكن حملي الاول ..لكنه جاء بعد 7 سنوات ..كم انا مشتاقه لصراخ طفل 

كم مشتاقه لأزعاجه لي وعدم قدرتي على النوم بسبببه ..ما اجمل الامومه ..ما اجمل ان اكو ن ام 


كنت اشعر بالغثيان لكنه اختفى بمجرد تاكدي من الطبيبه ...هل كل هذا فرحه 

ارى السعاده الغامره في عيون ولدي وابنتي ..ونزاعهما على الاسماء ..ولدي يبغى ولد واسمه عزام...وبنتي تبغى بنت واسمها روز

زوجي مبسوط مره ...يا بعد كل هلي ..عسى ايامك كلها سعاده ..وعساني ماانحرم رضاك 

اتصل على امي ...ابوي ...اختي ....ام زوجي ...لا راح اسكت
بخليها مفاجئه 

بس انا مشكلتي في حياتي اني ما اقدر اسكت ...ما اقدر اكتم سر ...ههههههههه

لقيت اختي ع الماسنجر ...ماني قايله لها ...طيب ليه ؟

ياربي ...منى سلام انا حامل;; 

هذي هي مربم ما تقدر تسكت 
والمشكله ارجع اقول لا تعليمين احد ..بجد شئ يضحك 

الطبيبه سوت لي تحاليل العالم كلها ...والحمدلله كل شئ تمام

مع اني تخانقت انا وهي ...طريقتها بالكلام ما عجبتني ...كل ما اسأل سؤال تجلس تتريق ع السؤال بعد كذا تجاوب 

عصبت وعطيتها اللي فيه النصيب ...ومن وقتها قررت اني ما اولد عندها عشان ما تسوي لي شئ هههههههههه

بس يعني بصراحه بصراحه انا شايله هم جسمي ...اخاف يزيد وزني... الدكتوره تقول مافيه رياضه اابد ابد 

والشئ الثاني خايفه يكون في ضرر من الكمبيوتر ع الحمل
والتدخين وما ادراك ما التدخين.
.
الله يسهلها مبدئيا ناويه بعد ما اولد احمل ثاني اذا ربي كتب 

; فجعه بعيد عنكم 

لكن اخاف اغير رأيي اذا تعبت ..الله يكتب اللي فيه الخير 

حاليا الوحم خفيف الحمدلله

هذا الشهر الاول من حملي والحمدلله يارب

اسال الله ان يتممه ع خير ويرزقني الذريه الصالحه

ويرزق كل زوجه تبي طفل 

يبدأ الحساب من يوم 10/2/1431هــ