الى الارواح المحلقه في عالمي المختبئ الهادئ.....اتمنى ان تجدوا بين أسطري ما عجزت ان اجد وافهم ... لم اكن تلك المميزه.... ولا الشاعره المبدعه...ولكني فخوره بنفسي ...اعترف بأن القلوب تــُسرق ..واعترف اني قد أسأت الاختيار في أغلب قرارات حياتي .......مريم كانت هنا ... ....

الأحد، 18 أكتوبر 2009

ارفع الراس ...لاهنت





اجمع شتاتك وارفع الراس لا هنت

انت اللي مـثلك ما تـهزه بنيه

حتى ولو من جرح قلبك تمكنت

او خـاب ضنك في حياة هـنيه

لو زاد جرحك بالحشا ما تكلمت

عودتـني تـخفي هـمومك عليه


رغم الألم لو شفت عيني تبـسمت

تـعز نـفسك لو جروحك نديه

عودتني لا صرت وحدك تـألمت

وعـلمتني اجـرح جروح قـويه

وعلمتني لامن جرحت ما تعذرت

لأن العذر ما يـفهمونه الـبريه

ماعلموك إني من الأمس ما نمت

وانـت تركت الدمع يـطيح فيه

أغظ طرفي عن تجاهلك وما لمت

أنـا آتغابى بـس ما ني غـبيه

أكثر من اللي تقدمه أنت ماخذت

الـطيب بالطيب والأذيـه أذيـه

وإن ضـاق قلبك وقال إني تغيرت

قـله تبيني أحـس فـيها شـويـه

وخـّبره اني على الـود ما زلـت

لا يـفكر انـي بـايعه او رديـه

ادري بـغرورك يمنعك لو جربت

تـجبر بـخاطر او تـقدم هـديه

الـمشكله إني انا اللي تعـودت

إنـي اكـون المـجرمه والضحيه

اصد وابعد والقى نفسي تراجعت

واراقـبك فـي كل روحه وجـيه

واقـول والله لو هجرني تجـننت

وأعاف جـده والهـدا والحويـه

فـي طيـبته مـا بتلـقين يابـنت

يا بـنت هـّدي ما بتـلقين زيّه
اذكر شماغك ورزتك لا تكشخت

واحب اشوفك ترقص السامريه

أتعب انا من ضمتك لا توددت

واعشق عيونك وانت مفتون فيه

خـلاص تدري السموحه تنـدمت

والله ما ارضى بيوم تزعل عليه