الى الارواح المحلقه في عالمي المختبئ الهادئ.....اتمنى ان تجدوا بين أسطري ما عجزت ان اجد وافهم ... لم اكن تلك المميزه.... ولا الشاعره المبدعه...ولكني فخوره بنفسي ...اعترف بأن القلوب تــُسرق ..واعترف اني قد أسأت الاختيار في أغلب قرارات حياتي .......مريم كانت هنا ... ....

الثلاثاء، 14 مايو 2013

نــويت أخربــهــا.



🌹

أبيك تنسى حبنا وكل ما فات
عشرة عدوٍ منك بالحيل أرحم

أبيك ترحل وتآخذ الشوق بسكات
بعد اللي شفته راحة البال ألزم

أرفض حناني وامح كل العبارات
وأنكر وجودي دامك إنسان تفهم

مسكين مثلك كل حياته متاهات
تشوف هـالدنيا بمنظار مـظـلم

نويت أخربها وتجي كيف ما جات
ينـعـاف حبٍ مع المهانه تأقـلـم


مـا آبي ودادٍ ينهدي بالـمذلات
عـزاه يا قـلبٍ تـعنى و تـحـطـم


حاولت أداوي حبنا بعد ما مات
خوفي تغيب وتترك العين تندم

حاولت إداري عشرتك انت بالذات
لكن جروحك فوق صبري وأعظم

حاولت والله اختصر هالـمسـافات
وابني حـنينٍ في عـيونك تهـدم

هيهات يا عمرٍ مضى بالـمسـرات
ويا حسرة احساسٍ غدى اليوم أبكم

ما فادنا كثر الـعتـب والـملامات
يا ما جرحتك وياما قلبك تألم

الـمعذره مـا صـّنت اغلى الأمانات
إخذه خفوقك جرحه اليوم أقدم


وعطني خفوقي ..هاته الحين هات
والله يعلم وش كثر مـنك تـعـلم

مـاهـو بـنـقص فيك كثر الخلافات
ومـاهـو بـعيـبي يوم وضعي تـأزم

ربي عـطاني زود عـن باقي البنات
وان كان عـنّـك والله رجـال وأنـعم

لكن قدرنا من فوق سبع سـماوات
سبحانه اللي دوم بالعدل يـحكم

أبيك تـرحل فـداك كل ما فـات
عـساك تـفرح في حياتك وتسلـم