الى الارواح المحلقه في عالمي المختبئ الهادئ.....اتمنى ان تجدوا بين أسطري ما عجزت ان اجد وافهم ... لم اكن تلك المميزه.... ولا الشاعره المبدعه...ولكني فخوره بنفسي ...اعترف بأن القلوب تــُسرق ..واعترف اني قد أسأت الاختيار في أغلب قرارات حياتي .......مريم كانت هنا ... ....

الأربعاء، 7 مايو، 2008

شريك العمر


أنت تدري يالغلا أو ما دريت


إن إحسـاسي مـثل باقـي الـبـشر


لي كرامه ولي دموع لو بكيت


تغرق أوراقي مثل صافي المطر




واحـسافه قـلبي الـلي لك هـديت


وأحلامي الـلي كـلها راحت هـدر


الزمـن لا جـاء بـعكس اللي بغيت


لزوم تـؤمـن بـالـقضاء وبالقدر


أنا اشهد انك في حياتك ما شقيت


وربي انك ما عرفت طعم القهر


وشلون تعرف وأنت شئ ما هقيت


الغرور أحرمك من صافي النظر


أعلى منزل كنت في قلبي رقيت


وكنت أحلى طيف في بالي يمر


ياما في حضنك من أحزاني رميت


ياما عشنا الحب ولوعات السهر


أسـألـك عـن حـبنا يـاللي هويت


ليه دايـم أحـس قلبي فـي خـطـر


مـنك أنـا بالله قـلي وش لـقـيـت


غـيـر غـدر يـسـبقـه نـفـس العذر


ياللي سكنت بخافقي ليه اختفيت؟؟


ليه تـتـركـني وأنـا بضيقـه أمُـــّر


لـيـه تـهـدم يـالـغـلا كل ما بنيت


منك الجروح بداخلي مثل الجمر


ضحكوني يوم أنا منك اشـتـكيت


عيب قالو هو ترى شريك العمر!!


أي شريكٍ وأنت على قلبي جنيت


مـن إهـانـاتـك أنـا قـلـبي نفـــر


أسـألـك بـالله قـولـي وش نـويـت


بيـّـن الخافي وعــلمني الـخـبـر


وش بقى ما صار أنا والله انتهيت


أنت ما تآخذ من الماضي عبر


احترمني كـانك لهمي شـريـت


إكفني جرحك وخذ فـيني أجـر


لا تعذبـني بـملامك لو قـسـيـت


سوّ خير وأرمي في ذاك البحر


والله اكذب لو أقول إني نسيت


صادق إحساسك تحت ظل الشجر


يوم أنا الفرحة في عمرك غديت


وش حصل في حبنا ايش اللي انكسر


بأنتظرك اليوم وبكره لو بغيت


بأنتظرك كثير لو تبـغـى شــهـر


ترجع القلب الحنون اللي هويت


بأنتظر وأتم طول عمري انتظر

هناك 3 تعليقات:

  1. ماااااااااااشاء الله تبارك الله روووووووووووووووووعه .... عجبتني القصيدة جدا

    ردحذف
  2. احترمني كـانك لهمي شـريـت ...
    إكفني جرحك وخذ فـيني أجـر...

    قصيدة رائعه جدا اعجبتني جدا
    وجدت نفسي في ابياتها
    ياااااااالروعتك ...

    ردحذف
  3. مشكوره يالغاليه

    الله يبعد عنك الهم

    لاعدمتك

    ردحذف