الى الارواح المحلقه في عالمي المختبئ الهادئ.....اتمنى ان تجدوا بين أسطري ما عجزت ان اجد وافهم ... لم اكن تلك المميزه.... ولا الشاعره المبدعه...ولكني فخوره بنفسي ...اعترف بأن القلوب تــُسرق ..واعترف اني قد أسأت الاختيار في أغلب قرارات حياتي .......مريم كانت هنا ... ....

الثلاثاء، 6 مايو 2008

يا سنين العمر


يا سنين العمر يا كل الملا..............اشهدوا اني بفرقاه اعتليت

القلب مرعوب وعايش بالخلا.......ولغير دمعي انا والله ما شكيت

لعنبوا ذكراه جابت لي البلا.....ما غمض جفني ولا بنومي اهتنيت



أذكر انه يوم قال ايش هالحلا.....من خجل طرفي ..بحضنه ارتميت

وبالغلط.. مره ناداني ...رولا..... وقتها.. من غيرتي والله.. بكيت

ظمني بإحساس وقال انتِ الغلا...سلمت لك امري يا عمري ومشيت

الخفوق اللي لمواعيده ...انغلا... يوم شفته ..شفت شئ ..واستحيت

قمة الشوق في عيونه انجلا........وانا كني عن اشتياقه... ما دريت

لا مسج...ترسله لي ..حتى ولا..... نغمة بجهازك اللي.... لي هديت

ياهلا بحبيب قلبي يا هلا...........والله اني بعد عينك .....ما هويت

وكيف اهوى وانا قلبي ما سلا........من بعد فرقاك ولا لحضه نسيت

ليست هناك تعليقات:

إرسال تعليق